Sunday, October 25, 2009

أســـامة .. أمــن قومــى



مين الأمن القومى ده؟؟
أقصد .. مين أسامة ده؟؟
طبعا عارفين يعني ايه أمن قومي ؟؟ طيب عارفين أسامة؟؟

أسامة ده ولد جار كان جار تيتة , يقال انه متأخر عقليا أو مريض نفسيا , لا أعلم , المهم انه غيرسوى وغير متزن
هو تقريبا في نفس سنى , لما كنت بروح عند تيتة وأنا صغيرة كنت بخاف أخرج من باب البيت علشان كنت بخاف منه موووت , وأفضل محبوسة طول اليوم علشان بس مايبصليش
وكان دائما له حوادث غريبة , ودايما كان يضرب الولاد في الشارع , بس مش أي ضرب , ضرب يعني دم
في احدي الحوادث دي  , كان محمد ابن خالتو بيلعب امام باب بيت تيتة , راح أسامة جاب حديدة وسخنها عالنار وقال لمحمد امسك دي , كان محمد سنه حوالي 5 سنين , رجع البيت بيصرخ وايده محروقة , وكان حرق جامد جدا

من كام سنة أسامة ده اختفي , وماحاولتش أعرف هو فين أو اسأل , أصلا أنا لحد الكام سنة اللي فاتوا دول كنت بخاف منه , وكمان أعتقد اني لو شفته الان كمان هخاف منه

ايه علاقة إختفاء أسامة .. بالأمن القومي؟؟
 

من كام يوم سألت أمي عليه

ـ أمي أسامة اللي كان جار تيتة راح فين , اختفي فجأة
ـ دا الوقتي أمن مركزي ...!!!؟ 

 ـ أمن مركزي؟؟ ازاي يعني؟؟ ده متأخر عقليا؟؟!!!؟
  ـ آه ما أنا عارفة
 ـ طيب ازاي؟؟  ... كانت هتحصلي حاجة في عقلي طبعا .. مش مستوعبة
ردت أمي
ـ المصيبة الأكبر ... تعرفي هو فين الوقتي؟؟ في أي منطقة؟؟
ـ لا .. فين؟؟
ـ علي الحدود بين مصر وغزة !!!!!!!!!!!!!!!!!!!!!!!!!!!!!ـ


ـ نو كومنت علي فكرة

22 comments:

سمية قهوة said...

أول تعليق

أكيد يابنتي ماهو مفيش حد عاقل حيروح يقف على الحدود عشان يقتل اخوانه و يسيب اليهود لازم يكون متأخر و كمان عقليته اجراميه
تقبلي مروري

albaghdadi said...

مكانه المناسب
- في نظر الحكومة -

نـارا said...

يحصل اللى يحصل

ويقولوا ليس على المريض حرج !

حسبنا الله ونعم الوكيل

حفيدة البنا said...

السلام عليكى:
مستغربه ليه؟! ده الرجل المناسب فى المكان المناسب
وهو صغير حرق ايد طفل امال لما يكبر.. هيشويه
وبعدين اهو ريحك يا ستى عشان تخرجى براحتك ومتخفيش^_-!

Abdullrhman Hassona said...

مع كل احترامي لأسامه وتعاطفي مع حالته المستغَله والمهمله منذ أن كان طفل..
بس شئ كويس انك خلاص هتتحركي بحريه واطمئنان في كل مكان ماعدا الحدود يعني يا خساره مش هتقدري تروحي هناك !!!!

أبو مصعب said...

السلام عليكم ورحمة الله وبركاته
بداية بعيدا عن كون الكلام عن شخص
بعينه يعتبر غيبة
لكن نحسن الظن ان حضرتك ما ختيش بالك
لكن انا معاك ان عساكر الامن المركزى
المعظم منهم بيكونوا غير متعلمين
وذلك ليسهل اقناعهم بأن اى حد ضد الحكومة او اخوان دول عملاء وتنظيمات ومليشيات وكلام من ده
لكن ده مش مبرر ولكن نلتمس للجنود العذر وندعوا على الحاكم الظالم
لان الجندى اللى مش هينفذ هينضرب بالنار بتهمة الخيانة
معلش كنت قاسى شوية
اخوكى فى الله طبيب اطفال

أبو مصعب said...

يا جماعة انتم قاسيين بعض الشئ على الشاب المعاق
ونسيتم الظلمة الاصليين اللى عاوزين يبنوا الجدار الفولازى

مشخبطاتي said...

السلام عليكم

إيه دا؟
بجد مش لاقي تعليق..
يانهارك أسود يا أسامة انت واللي وداك هناك!!

أخـــ مسلمة ـــت said...

سمية

المصيبة انهم كل يوم مصدعينا بموضوع الامن القومي
والله حكومتنا هي الخطر الحقيقي علي أمن الامة

مرور أسعدني
جزاكِ الله خيرا

أخـــ مسلمة ـــت said...

الاخ البغدادي

صدقت

أخـــ مسلمة ـــت said...

Nara

علشان لما تحصل حاجة يقولوا عملها مختل عقليا
والله دي حكومة مختلة ايمانيا وسياسيا

نورتي
:)

أخـــ مسلمة ـــت said...

حفيدة البنا
بنوتي الجميييييييييلة

هههههههههههههههههههه
بجد ريحني فعلا

وأسعدني جدا مرورك يا قمراية
:)

أخـــ مسلمة ـــت said...

أخ عبد الرحمن

هو فعلا يستحق كل التعاطف
أنا لا أعيب عليه
هو ضحية أهل وحكومة

لكن كويس فعلا اني بقيت أروح عند تيتة من غير ما أخاف
:D
وان كان ع الحدود يعني لو حصل وروحت سواء كان هناك أو لا
فأكيد أشباهه هناك كثيييييييييير

أسعدني مروركم
جزاكم الله خيرا

أخـــ مسلمة ـــت said...

طبيب أطفال

لا أعتقد أن أحد هنا يعرف هذا الشخص
كل ما أعنيه ليس أن أقسو عليه
بالعكس
أنا أشفق عليه من كل ماحدث له
سواء وهو طفل صغير
أو الآن

هو ضحية لنظام فاسد يستهين بشعبين في آن واحد - المصري والفلسطيني
بل ويستخف بأمنهما

جزاكم الله خيرا كثييييرا

أخـــ مسلمة ـــت said...

مشخبطاتي

من غير ما نسود النهار ولا أي حاجة
ربنا ينتقم من الفاسدين المفسدين

نورتنا

عايش... ولكن !!!! said...

ليس على المريض حرج
يبقى ده انسب مكان ليه

لؤلؤة الاسلام said...

السلام عليكم و رحمة الله و بركاته
فعلا نو كومنت
ما هو ده حال بلدنا
حسبنا الله و نعهم الوكيل

تقبلى مرورى

و تحياتى

Anonymous said...

مش غريبه
لان الغالبيه العظمى من الجيش المصرى مغيب تماما
مش اسامه بس

د/على خميس said...

السلام عليكم و رحمة الله و بركاته
و الله ده شىء يبكى مع انه ممكن يبان كوميدى...
ربنا مع اخوانا فى غزة ..... و معانا
بارك الله فيك

ع نوتة said...

اول مرور لى بالمدونة الرائعة دى


ونرجو زيارتنا فى ع نوتة



والله الموضوع جميل جدا

ولكن اقول فقط ( حسبنا الله ونعم الوكيل )

سمسم/سما said...

السلام عليكم
على فكرة انا من غزة
وبشرى جميلة ما شاء الله
وانا بقول الناس عندنا بتموت ليه عالحدود
مهو يا حبيبتي الاحول فالجيش بيحطوه قصف عشزوائي
بوست جميل تسلم الايادي

سمسم/سما said...

اعتذر عن التعليق خارج الموضوع
إعلان عن بدء دورة فوتوشوب للمبتدئين
- تعلن مدونة امتـــــــــــــــي عن بدء دورة فوتوشوب للمبتدئين
- ،فعلى الراغبين فالمشاركة متابعة الدروس على المدونة
- الهدف: تعلم اساسيات الفوتوشوب وصناعة التصاميم
- الفئة المستهدفة : المبتدئين فالبرنامج وخاصة الذين لم يسبق لهم التعامل مع البرنامج
- الدروس :
- - التعرف على شاشة البرنامج والادوات وكيفية استخدامها
- - استعمال الفلاتر والتحديد على الصور
- - التعامل مع الطبقات
- - الكتابة على الفوتوشوب
- - دمج الصور
-
- آلية عمل الدورة :
- - سيتم شرح كل درس بطريقة مبسطة وسهلة ويعقبها تعليق ومناقشة من قبل المشاركين
- - سيكون هناك تدريب للمشاركين كتطبيق عملي على الدرس الذي تم شرحه,ويتم ارسال التطبيقات عن طريق الايميل لنشرها فالمرة المقبلة