أكتر شخصية ممكن تنرفزني في حياتي
دي شخصية كنا درسناها في مسرحية , حاجة كده زي أبو العريف
دايما بفتكرها في مواقف معينة , منها مثلا لما تتكلم كلمة وتتفهم كلمة تانية
يعني تتكلم مع حد وتلاقيه بيبحث فيما وراء الكلمة
وكانه مخرج واقف خلف الكاميرا في الكواليس شايف كل حاجة , شايف اللي المتحدث نفسه مش شايفة
يعني ممكن أكتب بوست أصحي الصبح الاقيه بقي 60 حكاية ولا واحدة فهم صح !!!!!!!؟
لا والغريب انه ممكن الاقي ناس زعلت
طيب زعلانين من ايه ؟وعلي أي أساس؟
وكأن الناس بقت عايشة في دماغي وعارفين اللي هقوله
وكل الناس فاهمة وأنا الوحيدة اللي مش فاهمة الكلام اللي أنا قولته
أقصد
انه مش دايما بنكون فاهمين الناس عاوزة تقول ايه
ده حتي في مهارات الاتصال في مهارات الاستماع تحديدا في شخصية اسمها
verbal transpasser
ده اللي كل لما تتكلم يكمل الجملة قبل ما تكملها , زي لما تكون بتقول نكتة وييجي حد رخم يكملها
وده أحد الانماط اللي يجب تجنبها ليكون الفرد مستمع جيد
ياريت بجد لما نقرأ كلام أي حد نفهم كلامه زي ماهو مكتوب , لما نسمع حد نديله فرصة يكمل كلامه وبعدين نعلق
بلاش رخامة :)
مش لازم كل كلمة نعمل عليها حكاية , أصل هضرب بعد كده
:P
18 comments:
أنا كمان بتضايق جدا لما الناس تعد تفسر الكلام على مزاجها و كأنها فعلا فاهمة الكلام أكتر ما اللي بيقوله فاهمه
مدونه جميله شكرا
المدينه الفاضله غير موجوده والبشر يخطئ
المهم اننا نحترم انفسنا قبل ان يحترمنا الاخرين ونفهم ما نقصد قبل الاخرون
و الأدهى من كده ..
إنه لا يقبل أن يعدل على أسلوبه أحد
(؛
الاخت الفاضلة حياكي الله على هذا الموضع
الجميل
ازيك ياجميل
بصي .. نحن لن نستطيع ابدا التحكم في انطباعات البشر عنا او عن كلامنا
والنماذج دي مالية الدنيا .. والنقد بقى وظيفة للكل الايام دي
فاحسن حل انك .. تكبري
قولي واكتبي واعملي اللي انتي عايزاه والمهم نيتك انتي ، مش مهم الناس هيفهموا ايه
دمتي بخير
انا سعيدة جدا بمرورك عندي
ياستير يارب
أول مرة أدخل المدونة ألاقي ف آخر البوست تهديد
تقديم حسن الظن واجب بين المسلمين
وهو لا يتعارض مع مساحة الإختلاف السائغ والتي لا تقدح الأخوة في الله
تحياتي
سمسمة
زيارتك الأجمل
نورتي
-------------
أ. أسامة
أكيد
كل ابن آدم خطاء
صح الاحترام لابد منه
والله الكلام بيكون عادي جدا وبيتفهم غلط
------------
أخ جمعاوي
ممكن
!!!!
-------------
أخ أبو صهيب
مبروك اللقب الجديد
جزاكم الله خيرا
تحياتي
----------------
نووووووووووووووووووووووور
الحمد لله زي الفل
أنا مش بتكلم عن الانطباعات الشخصية
المشكلة في تأويل الكلام
أو حتي لما حد يكتب حاجة تلاق ماشاء الله ستين حكاية مالهاش أصل
وبعدها نفكر اننا فاهمين كل حاجة
والله مكبرة
المشكلة انها ممكن تزعل حد قريب منك مثلا
أنا أسعد بمرورك يا عثثثثثثثثثثثثثثل
:*)
--------------
القلم السكندري
معذرة
قدركم
!!!!!!
كلام حضرتك صح
جزاكم الله خيرا
حضرتك شرفت
صحححححححححح مليون صح
ياريت ندي الكلام حجمه بس مش اكتر منه
ونسمع لحسن في ناس السمع عندها رايح ومن اول كلمه تهب وتغضب من غير ماتفهم
http://awladna-amana.blogspot.com/2009/02/blog-post.html
ندعوكم لحضور دورة اعداد القادة
جمعية حماة المستقبل بالشرقية
لمزيد من التفاصيل انظر الرابط اعلاه
lol
a violence era seems to be really coming :P
السلام عليكم
وليه الضرب بس .. قلبك ابيض ..
عندك حق والله .. دا في كمان ناس ممكن تقاطعك لفهم خاطئ عندهم فقط
محتاجين نتعلم ادب الحوار والاستماع وايضا الاختلاف ..
السلام عليكم
المشكلة الكبرى لما الناس تنتبه لكلامه هو أكثر من كلامى أنا يبقى فى الحالة دى أرمى نفسى من الشباك أحسن
يارب تكون الامتحانات عدت بخير وعقبال الترم الاخير
يلا سلام
شخصية أبو العريف هذه شخصية جاهلة بفطرتها - أو متسرعة أيضًا بفطرتها ..
على كل حال اعانكم الله على من يحمل أو من تحمل مثل هذه الصفة ..
تقبلي مروري العابر
اخوكم
شخصية أبو العريف هذه شخصية جاهلة بفطرتها - أو متسرعة أيضًا بفطرتها ..
على كل حال اعانكم الله على من يحمل أو من تحمل مثل هذه الصفة ..
تقبلي مروري العابر
اخوكم
السلام الله عليكم ورحمته وبركاته
للاسف الشديد هناك مشاكل نفسية كثيرة تدخل القلب كما يدخل المرض الي الجسد ولكن لاتلقي اهتمام حتي تقضي علي القلب بكاملة ,والمشكلة المذكورة في منتهي الخطورة ,مشكلة سوء الظن والبحث عن ماوراء الكلمات وهي تسبب الكثير من المشاكل
فنسأل الله ان يصلح فساد قلوبنا ويغفر لنا
وجزاكم الله كل خير
كيـــــارا
أهلا بيكي حبيبتي
فينك من زمان؟
يـــــــــــارب
نورتي
-------------
نـــــــور
ربنا يتقبل يـــــــــــارب
خيرها في غيرها
-------------
Dr. Nassif
be sure of that
especially for the one who writes once a year
--------------
جني
وعليكم السلام
ده بس من الخنقة
فعلا محتاجين ده
جزاكم الله خيرا
---------------
أخ جمعاوي
وعليكم السلام
وحضرتك ترمي نفسك من الشباك ليه؟
ارمي اللي منرفزك
الحمد لله عدت علي خيييييييييير
ياااااااااااارب بس النتيجة تشرفنا
ربنا يستررررررر
-------------------
NOOR
يمكن تسرع اكتر منه جهل
ربنا يعينا كلنا
وان كانت في حد فينا يخلصنا منها
اللهم آمين
شرفتنا في أول زيارة
-----------------
الفاتح الجعفري
وعليكم السلام ورحمة الله وبركاته
جزاكم الله خيرا علي الاضافة الطيبة المعهودة من حضرتك
اللهم آمين
جزاكم الله خيرا
أفهم من كلامك أنك تقصدين أنني أدعي المعرفة وأنني جاهل ...
أنا منسحب من هذا الحوار الذي لا يحترم الآخر ولا يقبل بوجوده .
...
...
بالتأكيد هذا الكلام مجرد محاكاة لما يمكن أن يصدر عن البعض من ردود أفعال
أتفق معك تماما في كل ما تقولين
تحياتي
الأخ أبو أسامة
أستطيع أن اقول بانني اتمتع بنفس القدر من الجهل حينما يتعلق الأمر بخفايا ضمير الآخرين وبخلفية كتاباتهم وأقوالهم
ليس في هذا احترام لعقول الآخرين
ولكنه سطو علي عقول الآخرين
هذا هو الرد المقترح
فما أبدي لك هو ما أريدك أن تفهمه
الا في حالات قليلة كالسخرية مثلا
وهي حالات بينة واضحه لا لبس فيها
أما أن نترجم كل ما نتلقي بالكيفية التي نشاء وبعيدا عما يقصده الآخرون
فهو الجهل البين
جزاكم الله خيرا
تعليقكم اثراء للمعني دائما
دمت بخير
Post a Comment