لالالا
ماتفرحوش أوي كده
مش هسيب المدونة
علي قلبكم مش ماشية أنا
وداعــــــــــــا دي مش للمدونة
وداعـــــــــــــــــــــــــــــــــا
للأجازة ومايصاحبها من مطبخ وشغل البيت
واخواتي اللي وشي في وشهم طول النهار
خــــــــــــــــــــــلاص
زهـــــــــــــــــــــــــــقت
كان بييجي عليا اوقات اقعد اسبوع كامل في البيت
كنت بتخنق أوووووووووووي من الموضوع ده
انما ايام الدراسة كل يوم برا
جدولي يومين او تلاتة وما بقعدش برضه
طول الاسبوع في الكلية
والجمعة كومبليت
مطبخنا العزيز ده ممكن ادخله يومين في الشهر مثلا
أربعة بالكتير
بس مش طووووووول اليووووووووم
ممكن ادخل كل يوم بالليل اعمل بطاطس بس
و
الحمد لله
أخيرا جت الدراسة
ناس كتــــــــــــير أوي كانت معترضة علي بدء الدراسة في رمضان
أنا من الناس القليلة جدا اللي موافقة
يمكن أكون أنا الوحيدة
بس مش مشكلة
المهم اني ارجع تاني الكلية
وحشــــــــــــــــــــــاني جدا
ووحشـــــــــــــوني جدا أخواتي
وحشني الشغل في الكلية
والمحاضرات
والتخنيق علي اخوات دفعتي
وحلقة الصبح
وجلسة الساعة 3
وصفارة الأمن اللي بتحسسنا اننا في حديقة الحيوان
كانهم بيقولولنا القرود نامت روحوا روحوا
الكئيب بقي في السنة دي انها آخر سنة
مش عارفة هقضيها ازاي؟
والله بجد صعبة اوي
صحيح بعمل نفسي ولا هاممني مع الأخوات
بس ميــــــــــــــــــــــــــــــن؟
والله لما بفكر في الموضوع ده بيجيلي اكتئاب حـــــــــــــــــاد
وبكون ماسكة أعصابي بالعافية
تيجي واحدة تقولي
:
"مش عارفة ازاي هندخل الكليةومش هنلاقي أخواتنا اللي كانوا موجودين السنة اللي فاتت"
"اللهم طولك ياروح"
وواحدة تانية بقي من أخوات اولي وتانية
"يا حرام فاضلكم سنة وتمشوا من الكلية والله هتوحشونا"
"يابنت الناس ارحمينا"
والمصيبة بقي تيجي واحدة بتبكي
"مش مصدقة ان كلها سنة ومش هشوفك ... والله الكلية من غيرك ولا حاجة"
"كله كلام بكش كنا بنقوله قبلكم"
طبعا الكلام مش بكش ولا حاجة وبجد بيكون صعب جدا جدا
وفوق الاحتمال
بس قال يعني ولا بيهمني
أوقات الموضوع بيخرج عن السيطرة
ومابقدرش أمنع الدموع بس النقاب بيتولي الموضوع ده
وساعات بتفقس
المشكلة في ده انه الموضوع بيكون صعب
لكن أخواتنا لازم يفهموا انه الدعوة مابتتوقفش علشان أي حد
لأن أوقات الموضوع بيوصل لأن بعض الأخوات بعد ماتمشي اللي كانت متعلقة بيها جدا
بتاخد جنب و تعيش مع نفسها
وده خطأ
المهم اننا بنكون أكتر ناس الموضوع علينا صعب
لكن لازم نغرس القيمة دي في الاخوات والا الاسرة ممكن لا قدر الله تقل طاقتها
وربنا يقوينا بقي ونقدر نعمل فيها كبار بجد
أما عن دفعتي الحبيبة
فهــــــــي دفعـــــــــة مفوتــــــــــة والحمـــــــــد للـــــــــه
اذا ماقورنت بالتي بعدها والتي سبقتها
الناس دي ناس عاقلة بجد
مش عارفة دفعتنا دي مالها؟
كل واحدة فيهم فيها شـــــــئ يميزها عن الأخري
لكنهن يجتمعن أخيرا علي صفة معينة
"مش هاقولها"
ربنا يوفقنا يـــــــــــارب ونقدر نعمل حاجة قبل مانمشي
ومانسيبهاش خـــــــراب
مش عارفة ليه السنة اللي هتبدأ بكرة دي مخوفاني
حاسة اني داخلة علي حرب تقريبا
أو يمكن خايفة من اللي ممكن يحصل بعدها
قعاد في البيت مش هقعد
ده أكيد ان شاء الله
بس برضه خايفة
ربـــــــــــــــــــنا يســــــــــــــــتر
--------------------
المهم أن بفضل الله الأجازة دي اتعلمت فيها حاجات كتيييييير جدا
"مالهاش علاقة بالمطبخ"
واتغيرت فيا حاجات كتير
ومعظمها ماضاعش مني الحمد لله
-----------
" تحت مجهر السيدة الوالدة"
البوست القادم ان شاء الله
يمكن كمان نص ساعة
11 comments:
كل سنة وانتى طيبة اختى وربنا يجعلها سنة سهلة وجميلة ويكون القرب من الله اكتر مستنية زيارتك للمدونة
ربنا يرزقكم العمل المتقبل
صحيح إحساس صعب جداً جداً جداً
لكن الأخوة الحقيقة تستمر حتي الممات ـ حفظكم الله ـ والعمل الجامعي هو ميدان الحركة ونسئل الله أن يكون عاماً به نصرةً للإسلام ولدعوة الإخوان علي أيديكم فأنتم العاملون المجاهدون بوقتكم ومالكم
وفي النهاية إن الخيل التي في السباق إذا قاربت منتهاها بالقرب من خط النهاية بزلت من الطاقه ما يجعلها تحافظ علي مجهودها طول السباق
باقي علي خط النهايه سنه أبذلي كل ما يلزم من جهد وطاقه
واللهم تقبل منكم عملكم
السلام غليكم ورحمة الله
على فكرة أيام الدراسة لا تعوض
حولوا تستغلوا كل لحظه فيها
كل عام وأنتم بخير
همس الحنين
وانتي طيبة يا حبيبتي
اهلا بيكي نورتي
اللهم آمين
آمين
آمين
يشرفني حبيبتي اني ازور مدونتك
انتظريني قريبا
-------------
الأخ الحسيني
اللهم آمين
نحن واياكم
كلام حضرتك صح جدا
جزاكم الله خيرا
ونسأل الله أن يجعلنا علي قدر المسئولية
اللهم آمين
بوركتم وبوركت زيارتكم الكريمة
---------------
الأخ القعقاع
وعليكم السلام ورحمة الله وبركاته
أكيييييييد لا تعوض
ربنا يرزقنا السداد
وانتم بالف خير
أسأل الله لك التوفيق و النجاح و ان شاء الله تحققين هذا العام كل ما تتمنين
و اقول لك ان مدونتك و كتاباتك ما شاء الله أعجبتني كثيرا
كل سنه وانتى طيبه
باين عليها سنه كويسه ان شاء الله
ربنا يعينكم جميعا
sara
أهلا بيكي
منورة
اللهم آمين
ولك بالمثل
الله يكرمك حبيبتي
زيارتك هي الاجمل
-----------
أخ بلبيسي
اهلا بحضرتك
وحضرتك طيب وبالف خير
يـــــــــــــــــــارب
تكون سنة كويسة علينا كلنا
اللهم آمين
شرفت
ما أقساه من شعور فعلا يا اسراء
لكن والله سنظل نذكر إخواننا
الذين عشنا معهم أحلى أوقاتنا فى ظل طاعة الله
وفى ظل دعوتنا المباركة
سيظل طيفهم يضوى فى أذهاننا وإن قلت رؤيتنا لهم
ستظل كلماتهم دوما نبراسا لنا
سنظل نذكرهم عند الغروب
وندعو الله أن يجمعنا بهم فى مستقر رحمته
ما أرقها من مشاعر اسراء
طبت أخيتى الحبيبة
" وحشتينى بجد "
هشوفك قريبا
سرسورتي
ازيك يا حبيبي
لحقت أوحشك؟ انتي بكاشة اصلا
ما انا كنت لسه بكلمك
المهم لازم تيجي علشان اشوفك
يعالم هشوفك تاني ولالا
أحبك في الله
وطبعا كلامك صح جدا ياباشا
ماحدش يقدر يعارض
عثثثثثثثثل
السلام عليكم ورحمة الله وبركاته
صدق القائل انها اجمل ايام العمر
ولكن اهم حاجه ان الواحد بياخد خبره جامده جدا فى العمل الدعوى
واكيد الفراق مش سهل خالص بالذات لما بيشغلوا نشيد جامعة النور بتاع مصطفى محمود بيكون الموقف بصراحه مئساوى
ولكن ليست هذه الدنيا بدار لقاء انها دار الفراق
فموعدنا غدا فى دار خلدا مع الحبيب واصحابه
مدونه جميله
جزاكم الله خيرا
أنين الروح
وعليكم السلام ورحمة الله وبركاته
هي حقا كذلك
واسال العلي القدير سبحانه وتعالي أن يجمعنا في مستقر رحمته
جزاكم الله خيرا اخانا الفاضل
تشرفنا بزيارتكم
Post a Comment