رمضــ،ــ،ــ8ــ،ــ،ــان

رمضـــــ 8 ــــــان

فاتوا 8 أيام فجأة؟

باقي بس يومين من أيام الرحمة

اللهم لا يمر هذان اليومان إلا وتكون قد رحمتنا و أعتقتنا

اللهم أمين

وقفـــــــــــــــــة

دعوة لمراجعة الأيام السابقة

مافيها من أعمال طيبة ندعوا الله أن يتقبله منا

وماكان غير ذلك نسأله سبحانه أن يغفره لنا

وما قصرنا فيه ندعوه أن يتجاوز عن تقصيرنا فيه ويجبر هذا التقصير

اللهم آمين

لأن رمضان كسوق أقيم ثم انقضي

رح فيه من ربح

وخسر فيه من خسر

وها قد انقضت ثمانية أيام منه

لا نعلم أقبلنا أم لم نقبل

فلنحاسب أنفسنا ونزن أعمالنا

وتقبل الله منا ومنكم

------------

تصـــــــــــريح

عمري ماشفت حد في الدنيا بيصلي بتصريح

بعد كده كل واحد عاوز يصلي يجيب ورقة موقعة من اتنين موظفين

وعليها دمغة وختم النسر

المسجد اللي يصلي بجزء لازم له تصريح

واللي يصلي من غير تصريح يروح امامه ورا الشمس

وطبعا الأئمة الـــ (المغضوب عليهم من قبل النظام) استحاله يصرح لم

"مش كفاية سايبينهم يصلوا"

؟؟؟

كمان عاوزين يصلوا بجزء؟

ومين اللي بياخد التصريح؟

اللي ماشيين جوة الحيط

اللي خطبتهم في الصلاة هي هي كل سنة

والله العظيم فيه شيخ بيقول نفس الخطب بقاله 3 سنين

اللي عاوز بقي يختم القرآن في القيام مضطر يروح

وعلي رأي أخويا

عاوزة تروحي روحي صلي بس

مالكيش دعوة باللي بيتقال ، آخرك تصلي

صحيح عمو الراجل اللي بيقرأ ربنا يبارك فيه بيحسسنا اننا قاعدين في عزا مش في صلاة

بجد عمري ما سمعت حد بيقرأ كده أبدا

بس المضطر يعمل ايه؟

المهم لما المسجد اللي فيه الناس (الوحشين) صلي بجزء في سنة

من غير تصريح اللي بلغ عنه امام المسجد المذكور

الراجل ده خد دعا من الناس

ربنا يسترها عليه

ويهديلنا الإمام بتاع كل يوم ولا يغيروه