كل سنة وأنتم صايمين ومن ربنا قريبين
بم اني وعدت بإن كل يوم فيه طبق فراولة -وماحدش يقولي مابحبش الفراولة
يسرني طبعا أن أوفي بالوعد
و أول فراولاية في الطبق
"فراولاية مضروبة"
ماحدش يقول من أولها مضروبة؟
انتم أحرار اللي عاوزها ياخدها واللي مش عاوزها براحته
لو حد أكل فراولاية بايظة هيحصله ايه؟
"بطنه هتوجعه"............................شطورين
واذا قلتلكم انه الفراولاية المضروبة دي هي التليفزيون
يبقي اللي هيشوف تليفزيون في رمضان هيحصله ايه؟
تؤتؤتؤتؤ
مش عينه اللي هتوجعه
"صيامه هيوجعه"
من امتي الصيام بيوجع؟
رمضان زي ما ممكن يوصل لأعلي عليين ممكن كمان ينزل لأسفل سافلين
يعني لو واحد صايم وطول النهار بيشوف تليفزيون؟
ومسلسلات ما شاء الله زي الهم ع القلب
ويبقي بدل ما يختم القرآن بيختم علي قلبه
ويصوم عن الحلال و يفطر علي الحرام
"رُب صائم ليس له من صيامه الا الجوع"
(النسائي وابن ماجه عن ابي هريرة)
يبقي صيامه هيوجعه ولا لا؟
----------
الفراولاية التانية
من خير بستان .... من القرآن
"واستعينوا بالصبر والصلاة وإنها لكبيرة إلا علي الخاشعين"
الخاشعين
الخشوع هو مغزي الصلاة
الوقوف بين يدي الله في خضوع واستسلام
ينطق القلب قبل أن ينطق اللسان و يسجد قبل أن تسجد الأبدان
وإلا فما فائدة الصلاة إن كانت مجرد حركات ظاهرة والعقل والقلب هائمان في الدنيا
من الشرق الي الغرب
"رب قائم ليس له من قيامه الا السهر"
ابن ماجة والحاكم
بالطبع لسنا نرضي ضياع قيامنا طوال الليل
أو حتي ضياع ركعتين خفيفتين
قمنا بهما طلبا للأجر
وجاء في الأثر
:
:
ركعتين في تفكر خير من قيام ليلة بلا تفكر
:
:
فالله نسأل الخشوع بين يديه و القبول
اللهم آمين
-------------
الفراولاية الثالثة
:
>
:
كن نجما
:
<
:
"حدثنا أبو معاوية عن ليث عن ابن سابط قال : إن البيوت التي يقرأ فيها القرآن لتضيء لأهل السماء كما تضيء السماء لأهل الأرض , قال : وإن البيت الذي لا يقرأ فيه القرآن ليضيق على أهله وتحضره الشياطين وتنفر منه الملائكة , وإن أصفر البيوت لبيت صفر من كتاب الله "
تخيلوا أننا حين نقرأ القرآن تكون بيوتنا نجوما علي الأرض؟
كم من الناس يسعي لأن يكون مشهورا بين الناس؟
وكم منهم كانت شهرته في الحق؟
وكم منهم أفني حياته طلبا للنجومية والشهرة؟
:
وكم منا فهم هذا المعني؟
:
اللهم اجعل بيوتنا عامرة بكتابك
وقلوبنا ذاخرة به
-------------
شفتوا بقي؟
فيه فراولة ما بتفطرش
كل سنة وانتم صايمين ومن ربنا قريبين
No comments:
Post a Comment