رجل ذو همة
و أنا داخلة المسجد النهاردة بعد العصر كان خارج من الصلاة
رجل عادي جدا
الا أن مايميزه هي ساقه الواحدة
لقيته بينزل درجات السلم واحدة واحدة
الشئ الوحيد اللي بيساعده عصاه
يمكن اللي بيساعده أكتر همته العالية
وعدم استسلامه لعاهته
يمكن كمان حبه لله وللصلاة وللمسجد
لا أعلم
أحسبه علي خير ولا أزكيه علي الله
تقبل الله منه
ورزقنا همته
القرآن عزيز
الكلمة دي كانت دايما خالتو تقولهالي
يمكن كنت فهماها اه
لكن ما جربتهاش
يعني كنت بحفظ والحمد لله ربنا ميسرلي الحفظ
مش صعب ولا حاجة
الي أن صدمت
حبيت اراجع علي اجزاء مارجعتهاش من زمان
من اولي ثانوي
وكانت الصدمة
الحفظ أسهل من المراجعة
مع ان السور سهلة جدا
لقيتني مش حفظاها خااااااالص
ايات كتير واقعة مني
النهاردة بس فهمت معني الكلمة
انه اللي بينسي آية من القران لازم يكون صعب عليه
انه يرجع يحفظها تاني
زي ماخالتو قالتلي
القران عزيز
مش سهل نسيبه ونرجعله تاني
وكأن ربنا بيقولي اتعبي علشان تقدري قيمة اللي نسيتيه
اللهم ذكرني واجبر تقصيري
بنوتة زي العسل
بنوتة من زهرات المسجد
كنت بسمعلها امبارح علشان مشرفتها غايبة
بتسمع بالراحة جدا وبهدوء جدا
عسولة اوي
كل لما تقف تبتسم ابتسامة جميلة
و تقولي : استني هفتكرها والله انا عرفاها
ولما ماتقدرش تفتكر
تبتسم تاني وتقولي : قولي أول كلمة
ولما خلصت
جيت أقرألها الجزء الجديد
قالتلي : أنا بعرف أقرأ
قولتلها : اقراي
بدأت تقرأ وتتهجي شوية شوية
الأول تقرأ الحروف وتغلط في الضبط أو التشكيل
وبعدين ترجع تقرأ تاني بعد ما تظبط هي التشكيل
ماشاء الله عليها زي العسل
النهاردة روحت تاني لنفس المجموعة علشان المشرفة اتاخرت
مالقيتهاش
زعلت جدا
وكل شوية ابص ع الباب علشان الاقيها
ولما جت قولتلها هتسمعي ؟
قالتلي ثواني هراجع
ولما راجعت جت
وسمعت واتكرر نفس الموضوع تاني
بس المرة دي مش قولتلها اقرالك
سبتها هي تقرأ
بس علشان استمتع برؤيتها و هي تقرأ
وبعدين المشرفة جت
ومش هروحلهم بكرة
ايه الغلاسة دي؟
21 comments:
سبحان الله
فيه ناس مبتلاة
وبتحب ربنا
وبتعمل أي حاجة في سبيلة
ربنا يثبته و يجزية خير
ولا نزكيه علي الله
..........
القرآن عزيز
عندك حق
جداً
مشكلتي بقة كمان مش في المراجعة المشكلة دلوقتي عندي في
شكوت إلي وكيع سوء حفظي
ربنا يدينا و يديكي نعمة الاخلاص و الرضا و حب الله
.........
البنوتة عسولة قوي ماشاء الله
مقولتيش عندها كام سنة
شكلها كتكوتة
ربنا يثبتها
ويخليلها والديها
ويكرمها يا رب
ويحفظها بالقرآن
دمتي سالمة
سلامون عليكي
ومبروك علي الشكل الجديد للمدونة
يااااا الله
سبحان الله يا اسراء .. الواحد لما بيشوف الناس المبتلاة دي .. بيقرف من نفسه
ربنا يهدينا
*********
فعلاُ .. القرآن عزيز
جعلنا الله من أهله وخاصته
************
ربنا يكرمك ويوفقك
ويتقبل منك
دعواااااااااتك
وبطلي تغيري قالب المدونة .. انتي اتجننتني ولا ايه ؟؟؟ ..فاكرة
والحمد لله انك حطيتي بوست جديد .. اصل الصورة اللي كانت بتطلعلي دي بجد كانت راعباني .. ياماما
احبك في الله .. جداااااا
اعانكم الله أختى الكريمة على موضوع المراجعة
حدثت معى كثيراُ
حلها إن توقفى الحفظ قليلا و تتابعى المراجعة
مع وضع بعض " التعزيرات "
الأخ اللى كنت بأحفظ معاها كانت إيده تقيلة أوى ....!!!!!!!..
أما موضوع الزهرة بتاعت المسجد
هى مرتبطة ؟؟؟!!!!!!!!!..
ما شاء الله ربنا يبارك فيك
اللهم يسر لنا حفظه
بالمناسبة بدور كنت بدور على محفظة لابنتى وهناك دار للتحفيظ
قالوا ان الحصة الواحدة (القاعده الواحدة يعنى))
بملبغ 25 جنيه
ربنا يباركلك فى حفطك ..
دايما كان الشيخ يقولي المراجعة اهم من الحفظ
كنت بستسهل الحفظ
والحمد لله نسيت المثير بسبب عدم المراجعة .
وبخصوص البنوته الصغيره سيبك من جمعاوي ..
انا اولى بها ..جاهز من كله ...
هههه
رحـــــال
تأثرت كثيرا بالرجل .... اللي عنده عاهة .. و مصر على الذهاب للمسجد ... يارب يكون جميع شباب و رجال المسلمين مثله
الحفظ ... آه من الحفظ ... و النسيان ... جزء عم اللي كل ما ابدا اراجع, اراجع منه بنساااااااااااااااه
فعلا القرآن عزيز
بالنسبة للبنوتة و الله العظيم .... حبيبتها من غير ما اشوفها ... سبحان الله
السلام عليكم ورحمة الله وبركاته
ربنا يحفظ حضرتك وييسر لكم كل الامور
اما بالنسبة للرجل
لايعلم احد اي ابتلاء او عمل يدخله الجنة ,لعل هذا الابتلاء يكون سبب سعادته بأذن الله ,واعجب منه عمرو بن الجموح "الاعرج الذي يطأ الجنة بعرجته"وقد خرج مجاهدا في سبيل الله رضي الله عنه
--
نعم اختنا القرآن عزيز والدعوة عزيزة والاسلام عزيز لايقبلون علي احد بل لابد من الاقبال عليهم والافتقار اليهم حتي يمن الله علينا ويرزقنا من خيرهم وفضلهم
--
البنوته ربنا يحفظها ويبارك في عمرها ويصنعها علي عينه
طيب ماتروحي تكلمي المشرفة وتستأذنيها تحفظي انتي البنت واستعيني بالله وربنا ييسر الامر
وجزاكم الله كل خير
شوفوا الراجل اد ايه
بيتعب
لكنه صابر ومحتسب
ياترى ايه السر انه بيعمل كده
ياترى مين وراه؟
....................
بالنسبه للزهروات ربنا يباركلها وتطلع اخت كويسه
بتفكرنى بالاشبال اللى عندى بس الفلاق
ان الاشبال اللى عندى مبيعرفوش يقروا اصلا
نعكشة
أهلا بيكي نورتي المدونة
صدقت
اسال الله ان يرزقنا همته
مش مشكلتك لوحدك حبيبتي
ربنا يعفو عنا ويهدينا أجمعين
هي في 4 ابتدائي
بس شكلها اصغر من كده بكتير
اللهم أمين علي دعائك
وعليكِ السلام ورحمة من الله وبركة
الله يبارك فيكي
-------------
نور
صح صح
هو ده اصدق تعبير
الواحد بيقرف من نفسه
اللهم أمين
اللهم أمين
اللهم امين
طبعا فاكرة
انا كنت بنصحك عن تجربة
وقولتلك بيتحول لادمان مش جنان
ها؟
ماااااااااشي
الصورة بتخوفك؟
يا مامي
والله اجيبهالك تاني؟
-----------
جمعاوي روش طحن
جزاكم الله خيرا كثيرا وجعلكم من اهل القرآن وخاصته
خالتو كمان ايدها تقيلة والله
بس انا مش بسمحلها
هههههههههههههه
ممممممممممممممممم
اما عن موضوع الزهرة
هي ماكانتش مرتبطة
بس الوقتي
آه
مرتبطة
هبقي أقولها عمو جمعاوي بيسلم عليكي
---------------
الطائر الحزين
اهلا بحضرتك في اول زيارة
يارب تشرفنا كتير
اكرمكم الله واعزكم
ورزقكم حفظه و العمل به
ممكن يكونوا هيحفظوها القران كله في حصة واحدة
ههههههههههه
-----------------
رحال
اهلا بحضرتك
اللهم امين واياكم
اعتقد ان الاتنين مهمين
يعني لو هراجع بس يبقي مفيش تقدم
ولو هحفظ بس يبقي كاني بنفخ في قربة مخرومة
مافيش حد يستغني عن واحد فيهم
وان كان في فترة لابد يتوقف الحفظ من اجل المراجعة
جزاكم الله خيرا
بخصوص البنوتة
الاولوية باسبقية الحجز
هههههههههه
ممكن نستشيرها برضه في الموضوع ده
وادي سلام تاني من عمو رحال
---------------
يمني الغلباوية
منورة الدنيل كلها يا حياتي
أكيد لازم نتأثر يمكن نحس
ربنا يوفقك و يكرمك بحكل كتابه والعمل به
سبحان الله
اومال لو شفتيها شفتيها بقي
حقيقي تتحب
ربنا يبارك فيها
خلينا نشوفك
يلاش تقطعي كده مرة واحدة
كفاية خديجة
----------------
الفاتح الجعفري
وعليكم السلام ورحمة الله وبركاته
اللهم امين
ولكم بالمثل
صدقت
بورك وبوركت و بورك عمرو بن الجموح من رجل
حقا
صدقت
رزقنا الله العمل
اللهم آمين
بس يا خسارة مش هينفع
اصلها تخصصات
ربنا يبارك فيها اينما كانت
كفاية اشوفها كل يوم
جزاكم الله خيرا علي المرور العطر
-------------
اوعي تفكر
الله
الله
الله
أكيد ده اللي وراه
اللهم امين
ان شاء الله تبقي اخت زي العسل كمان
واضح انه مافيش فرق خااااااااااالص
ربنا يبارك فيهم اينما كانوا
بوركت
السلام عليكم
أولا جزاكم الله خيرا علي هذه التذكرة
بالهمة والعمل حتي وإن كان البلاء أشد من أن يحتمل
ولا ننسي الشيخ ياسين شيخ الأحرار
هذا الرجل ذو الهمة الذي أحيا اله به الأمة
أما عغن موضوع القرآن فهو ليس بعزيز فقط
وإنما أذكر كلمات أحد شيوخي رحمه الله
يا حبيبي القرآن دائما غالب
ودائما عزيز
إنت بس الخسران
أنت بس اللي هتندم
براحتك ....
وتوفاه الله قبل أن أوفي بوعدي معه
*********
أما الزهروات
فعادي جدا هو لازم يعني ما يكونش فيه مشرفة علشان نروح المسجد
إيه الكسل ده ..
جزاكم الله خيرا
وبارك لكم في أوقاتكم
ماشاء الله مقتطفات جميلة
ربنا يبارك فيكِ
أعجبتني البنوتة ربنا يجعلها قرة عين لوالديها
تقبلي تحياتي ..واتمنى زيارتك
أختك نور
ربنا يكرمك يا اختنا يارب
وفينك مش باينه
تاج الشباب والبنات من النجم القادم فى انتظارك
ادعيلى من قلبك يا رب احفظ انا كمان
صريح أوي
أولا جزانا واياكم
ورزقنا الله همة ننصر بها دينه وننشر بها دعوته
حقيقي القران أكبر من أن تصفه الكلمات
ورحم الله شيخكم الكريم
وجعلكم في ميزان حسناته
أما عن العهد
فأنتم ان شاء الله خير من توفون
نحسبكم كذلك
أما عن الزهرات
نعوذ بالله من العجز والكسل
دعواتكم
وتقبل الله منا وامنكم
بوركتم علي المرور العطر
و تعليقكم الذي افتقدناه
----------
نــور
أهلا بيكي يا حبيبتي
نورتي المدونة
اللهم أمين علي دعائك
ولك بالمثل و أكثر ان شاء الله
يشرفني حبيبتي ان ي ازور مدونتك
بوركتِ
----------------
النجم القادم
بارك الله فيكم و أعزكم بحمل دعوته
و أكرمكم بدعوة الاخوان
( واخد بالك انت)
أنا هنا اهوه
هروح فين؟
حاضر من عنيا
ان شاء الله
---------------------
Appy
يارب يا حبيبتي
ربنا يكرمك بحمل كتابه
و يرزقك العمل به
آمين
أمين
أمين
ماشاء الله
ربنا يحفظه يارب
ويثبته على طاعته ويجزيه خير الجزاء
........
القران بيتفلت كما تتفلت الابل من عقالها ....هكذا قال الرسول صلى الله عليه وسلم فيما معناه .....صدق رسول الله صلى الله عليه وسلم
الحمد لله الذى عافانا مما اتلى به كثيرا من الناس
تذكرت قصة الاعمى الذى ذهب الى النبي صلى الله عليه وسلم وطلب منه ان حد يوصله للمسجد وقال له الرسول انه ليس عليه حرج ولكن الرجل صمم انه يذهب للمسجد على طول
ثانيا بنوتة زى العسل فعلا
معلش أنا احتج على الكلام دة ..
اخنا نسألها الاول الاسلام بيقول كدة ..
وبعدين انا جاهز من كله يعنى كل حاجة موجودة ..(مش قوي يعني ) ..ههه
عموما .. لازم المراجعة مع الحفظ وهناك طرق كثيرة للمحافطة على الحفظ عن طريق القراءة فى النوافل وتنظيم ورد يومي للمراجعة ..
وربنا يباركلك ويريدك فى حفظك ..
السلام عليكم
ازيك يا اختي يا مسلمه
ما شاء الله انتي بجد قدوه حسنه
ربنا يساعد الشاب العاجز ده واكيد ثوابه مضاعف
وتصدقي قاعد مبتسم طول منا بقرأ حكاية البنت الصغيره تصدقي شوقتيني اشوفها
وبالنسبه للقرأن فحبيبنا النبي نبهنا انه بيتفلت عليكي بالمتابعه
وبارك الله فيكي
ربنا يكرمك
برقش
اخت مسلمة
اما عن الموضوع الاول
فانها الارادة اختي الفاضلة
الاراده سراج منير اوجه الله في قلب الانسان لينير له مناهج القصد
اما عن الموضوع الثاني
شكوت الى وكيع سوء حفظب فارشدني الى طرق المعاصي وقال لي ان العلم نور ونور الله لا يهدي لعاصي
واظن ان الذنوب تحاوط بنا في هذه الايام من كل الجوانب
وعن الموضوع الثالث اقول
بارك الله فيها ورزقها من يعبر بها الى بؤ الامان
تحياتي
حسام
اللهم آمين
صح
صدق الحبب صلي الهل عليه وسلم
وبوركت علي المرور العطر
-------------
3abdallah
جزاكم الله خيرا علي التذكرة
و ربنا يرزقنا جميها عالي الهمم
و بارك فيكم
وربنا يكرمكم ببنوتة أعسل منها
-------------
رحال
حضرتك ليك حق الاعتراض
ولنا حق الرفض
هههههههه
هي لسة صغيرة
رايها لا يؤخذ به الان
ممكن حضرتك تستني لما تكبر بقي ونسالها
جزاكم الله خيرا
اللهم آمين
---------------
bar2ash
الحمد لله بخير
الله وحده يعلم ان كنت كذلك أم لا
رزقنا الله واياكم رضاه
و أعاننا علي حمل أمانته
"كتابه الكريم"
جزاكم الله خيرا
ولكم بالمثل
---------------
الجمعاوي الأصيل
حقا
هي الارادة
بوركتم
صدقت وصدق الشافعي ومعلمه
ونسال الله العصمة من الزلل
و نرجوه مغفرته
آمين
أمين
آمين
جزاكم الله خيرا
Post a Comment