بم إن الأجازة بدأت أخيرا الحمد لله
ان شاء الله فيه حملة تنظيفات لازم أستهل بيها الأجازة
مين؟
ان شاء الله هكون أنا القائم بالحملة كلها بالإستعانة بالله
امتي؟
سيتم تدشين الحملة المباركة من وقت كتابة البوست
ازاي؟
سيتم استخدام مواد منظفة و مواد كاوية
و فرشة البلاط
وكلوركس و برسيل ألوان
و تي إن تي
فين؟
في تلافيف مخي
ليه؟
دي بقي يطول شرحها
وذلك للتخلص مما قد يؤثر علي قواي العقلية
ده لو كان فاضل فيه قوي عقلية أصلا
بعد فترة عصيبة من الامتحانات مدتها أسبوعين
بس أسبوعين من بتوع أيام زمان
اللي هما اليوم كان فيه 100 ساعة تقريبا
وغير ذلك من الشوائب التي حطت علي دماغي ماعرفش منين
خطوات الحملة
سيتم استخدام مادتي تي إن تي ومية النار
للتخلص من الأفكار الغبية و الغريبة الأطوار
وذلك عن طريق فرد تلافيف المخ والبحث عن مواطن تلك الأفكار
وتفجيرها و التخلص منها للأبد
والتي يقبع معظمها في النصف الأيمن من المخ
أما عن الكلور
فسيستخدم لتنقية الأفكار البيضاء من الشوائب
ليعيد اليها بياضها الناصع
والأفكار الملونة سيتم التعامل معها باستخدام برسيل كلر
حتي تزال عنها الشوائب العالقة
وتعود ألوانها كما كانت
وذلك بعد خمسين غسلة
أما عن ما قد يكون علق في مخي من معلومات فترة الامتحانات
فهناك ما يستحق الضرب بالنار
و هناك مايستحق التثبيت
و سيتم التعامل مع هذا الأمر ان شاء الله
لأن الجماعة الانجليز لو حد سابلهم دماغه
من غير ماياخد باله كويس
يقول عليها يا رحمن يارحيم
ثم يتم شراء 50 متر حبل غسيل
لنشر تلافيف مخي النقية في الهواء الطلق
لتجف و تعود الي سابق عهدها
وجاري البحث عن طبيب يستطيع اعادتها الي مكانها
لأني بصراحة أعرف أشيلها بس
مااعرفش أحطها تاني
من الأفكار التي لا بد تنقيتها
أن أتذكر أن هذه المدونة وقف لله تعالي
وما نذر لله لابد وأن يكون نقيا خالصا
كل مافيه لابد وان يكون مناسبا أن يقع في يد المولي عز وجل
وأن أذكر نفسي دائما بقول الله تعالي
" يا أيها الذين آمنوا لم تقولون مالا تفعلون .. كبر مقتا عند الله ؟أن تقولوا مالاتفعلون"
فالأمر جد خطير
أسأل الله ان كنت وقعت فيه أن يغفره لي
و أن يرزقني العمل بما أقول
وهذه دعوة لمراجعة الأهداف و النظر فيما نقول
لعل الله يغفر لنا ذلاتنا
و يعف عنا بعمل أو قول واحد كان منا خالصا لوجهه الكريم
-----------
وأخيرا
جزاكم الله خيرا علي الدعاء
و اثابكم خيرا منه
18 comments:
طيب
انا دكتور بيطرى
ودارس تشريح و جايب فيها متياز كما الحمد لله
أظن انى أنفع للمهمة دى
" إعادة التلافيف داخل الجمجمة "
جزاكم الله كل خير
السلام عليكم
ههههههههههههههههه
طب يعنى حضرتك زعلانة من امتحانات اسبوعين
تعالى بقى شوفى الشهرين المنيلين بنيلة اللى عندنا
واللى غالبا سابقهم شهرين زيهم منيليين برضه
بمحتوى حوالى 1800 صفحة بلغة بلاد الفرنجة
ههههههههههه
كفاااااااااااااااااااارة
الإنطحانات للرجالة
د. مؤمن جزاكم الله خيرا
والله مش عارفة أشكر حضرتك ازاي
أخرتها بيطري
ماشي
وعليكم السلام
-----------
مطرح ماترسي دقلها
عهدنا برجالات الطب انهم في رباط الي يوم الدين
وبم ان ربنا عافانا الحمد لله
فربنا يعينكم
أما عن لغة بلاد الفرنجة
فهي سهلة جدا
لكنه من الغباء طبعا أن تدرس العلم بلغة غير لغتك
بالطبع ليس غباء من الطلبة
ولكن من صناع القرار اللي من الواضح انهم غير قاردين علي صنعه
جزاكم الله خيرا
-----------
أخ جمعاوي
حضرتك انا كنت بمتحن
ماكنتش في القناطر ولا حاجة
جزاكم الله خيرا
السلام عليكم ورحمه الله
بالتوفيق ان شاء الله
واجازة مفيده
والسلام عليكم
أولاً .. مبروك الأجازة ياجميل .. عقبالي يارب
ثانياً .. أحييك على الأيجابية
ربنا يعينك ..
ايه يابنتي المنظفات دي كلها .. ؟؟
ربنا يثبتك ويجازيكي خير على التذكرة
ادعيلي يااسرااااااااء
اختك متبهدلة
مبروك الإجازة
والعقبي لنا
ربنا يدينا طولة العمر
اولا مبروك الاجازة
ثانيا جزاكم الله كل خير علي التذكرة
وجميل ان الانسان يعمل لمخه غسيل كل فترة بس ناخد بالنا لا المخ ياخد علي كده تبقي مشكلة ,
:)
والله المستعان
وتقبل الله منكم
د. أبا آدم ويحيي
وعليكم السلام ورحمة الله وبركاته
اللهم أمين
جزاكم الله خيرا
----------
نور
الله يبارك فيكي يا حبي
ياااااااااااااااارب يا حبيبتي عقبالك
ربنا يتولاكي برحمته
المنظفات دي اصلا مش كفاية
انا ناوية علي زرع مخ
تعرفيش حد عنده بذر مخ
ههههههههههههه
ربنا معاكي يا حبيبتي
بعيد الشر عنك من البهدلة
يارب اللي يبهدلك يتبهدل ويتشرد
قوليلي مين بس مبهدلك
وانا اخلي عنيه في وشه
------------
د. خبيب
الله يبارك في حضرتك
ان شاء الله
كله بيفوت ماتقلقش حضرتك
أعانكم الله و أثابكم ثواب المجاهدين
-------------
الفاتح الجعفري
اولا الله يبارك في حضرتك
ثانيا جزانا واياكم
ورزقنا العمل
ان شاء الله ماياخدش علي كده
منا ومنكم
جزاكم الباري خيرا كثيرا
بيقولك فيه مسحوق جديد خاااالص علشان ينظف كل آثار الإمتحانات والدراسة
جربيه كدا
أو ممكن أجبلك عينه منه تستخدميه وتقوليلى رأيك فيه :)
ألف مبروووك على تخليص الإمتحانات دى
ومدونة جميلة جدااااااااا
شكراا ليكى
أخوكى
السلام عليكم
ان شاء الله خيرا
ربنا يوفقك فى الامتحانات
تحياتى
مبروووووووك على انتهاء الامتحانات والأيام اللي محدش بيعرفلها معالم دي
الواحد أول مابيخلص انتحانات بيحس انه كان في غيبوبة وفاق
أخ تامر
جزاكم الله خيرا
اللهم أمين
ولكم بالمثل
شرفت
----------
نور الازهر
صدقت والله أخانا الكريم
جعلها الله في ميزان الحسنات
نورت
TnT
خمسين متر حبل
ههههههههههههههههه
ليه!!!؟؟ هى حملة فى فيتنام ولا ايه
ربنا يعينك
احيكى عليها انا ممحتاجه واحده مع اختلاف الاسباب ههههههههههههههه بس فكرة فى الجون بس مكلفه ههههههههههههههههه
ههههههههههههههههه
اضحك الله سنك
اشارككم الحملة
ان لم اكن سبقتكم
بس انا استخدمت
قنبلة انشطارية
الله ينور يا اخت مسلمة
بجد حملة جامده طحن
ربنا يكرمك يارب
وربنا يكرمك شويه مية نار وشويه جاز كده وولعيها
ههههههههههههههه
3abdallah
لا دي حملة في دماغي
اعتقد بهدلة امريكا في فيتنام أق بكتييييييييير
اللهم أمين
جزاكم الله خيرا
----------
appy
منورة والله
مش مكلفة أوي ولا حاجة
هو بس التي ان تي اللي ممكن يكلف شوية
فاضل عندي شوية أجيبلك؟
هههههههههههههه
----------
الجمعاوي الاصيل
لو جايبة نتيجة كويسة
ياريت حضرتك عرفني
ههههههههههههه
نورت
------------
النجم القادم
شكلك جاي تهدي النفوس
أولع فيها
مااااااااااااااشي
جزاكم الله خيرا
Post a Comment